Поранешниот италијански премиер, 85-годишниот Силвио Берлускони и неговата 32-годишна партнерка Марта Фасцина „симболично“ се венчаа во Вила Гернето во градот Лесмо, северно од Милано.
Објавени се и снимки од раскошната прослава, која изгледала како вистинска свадба. Но, парот официјално не се венчал поради несогласувања околу наследството во семејството на Берлускони.
Неговите деца не се одушевени од фактот дека тој на 85 години сака да се ожени со жена помлада од него 53 години, која потоа би добила право на дел од неговото богатство, проценето на 6 милијарди евра.
Берлускони е во врска со Марта од 2020 година, откако раскина со Франческа Паскале која тогаш наполни 34 години. Фасцина има дипломирано книжевност на римскиот универзитет, а е членка на неговата партија Форца Италија, пишува Daily Mail.