Без разлика дали станува збор за годишнина, венчавка, роденден или слава, постојат вкоренети суеверија кои со години опстојуваат.
Според народните верувања, постојат предмети што никако не треба да се подаруваат за да не се привлече некоја несреќа. Ова е листа на четири такви предмети кои според старите верувања не треба да се најдат меѓу подароците.
Иако жените ги обожуваат и веројатно со воодушевување прифаќаат чорапи како подарок, можеби би било подобро да избегнувате да ги подарувате. Имено, предците верувале дека ако партнерот или партнерката добијат чорапи на подарок, тоа значи дека наскоро ќе побегнат.
Рачните часовници често се наоѓаат на списокот на најпопуларни подароци за новогодишните празници, особено за машко. Меѓутоа, ниту тие не се препорачуваат, бидејќи според народните верувања ако се случи часовникот да застане, тоа може да донесе несреќа.
Кога станува збор за подарување паричник, постои само едно правило кое треба да го почитувате: паричникот не смеете да го подарувате празен. Доколку го направите тоа, легендата вели дека сами ќе си пресудите никогаш повеќе да немате доволно пари.
Ако подарувате бисери, треба да знаете дека според старите верувања тие се врзуваат за тага и несреќа. Според суеверијата, секој бисер претставува една солза.