Apple го удвои животниот век на батериите на уредите iPhone 15, барем според податоците што ги дава компанијата.
Во неодамна ажурираниот документ за поддршка, компанијата наведува дека „батериите на iPhone 15 се дизајнирани да задржат 80% од нивниот оригинален капацитет при 1.000 целосни циклуси на полнење под идеални услови“. Ова се однесува на сите верзии на моделот iPhone 15.
Онаму каде што сега бројот е „1.000“, порано беше „500“, што сè уште се однесува на серијата iPhone 14 и постарите модели. Apple вели дека спровел тестови во кои батериите на телефонот биле целосно наполнети и испразнети 1.000 пати „под специфични околности што претставуваат случаи за вообичаена употреба“, и затоа проценетиот животен век е ажуриран.
Засега, ова резултира со документ за поддршка што погодно ги прави најновите телефони да изгледаат особено привлечни, а со тоа може да поттикне некои од оние кои сакаат да ги заменат сегашните уреди.
Во моментов Apple прави вакви тестови и за iPhone 14, за да се види дали треба да се смени описот и за таа серија.
