Американскиот епидемиолог Ентони Фаучи денеска изјави дека ќе ја прими вакцината против коронавирус на компанијата Pfizer, доколку биде одобрена од Агенцијата за храна и лекови (ФДА).
Тој потенцираше дека има доверба во таа компанија како и во Агенцијата.
– Ѝ верувам на компанијата Pfizer. Имам доверба во ФДА. Тие се мои колеги со децении, научници од кариера. Ако вакцината биде одобрена, ветувам дека јас и моето семејство ќе ја примиме, изјави Фаучи за телевизијата MSNBC.
Фармацевтските компании Pfizer од САД и германската Biotech соопштија дека нивната експериментална вакцина има ефикасност од над 90 проценти во спречувањето на COVID-19, врз основа на првичните податоци од големата студија, што претставува голема победа во борбата против пандемијата.