На денешна седница на Управниот одбор на ФФМ беше донесена одлука бараж натпреварот за пласман на ЕУРО 2020 да се игра на „Тоше Проески“ во Скопје.
Ако постоеја и најмали дилеми околу местото на кое ќе се игра важниот бараж натпревар помеѓу фудбалските репрезентации на Македонија и Косово, од денеска тоа повеќе не е случај.
„У.О. на ФФМ донесе одлука натпреварот Македонија - Косово од 1/2 финалето во Лига на Нации да се одигра на Националната арена „Тодор Проески“ во Скопје“, стои во соопштението објавено на официјалната веб-страница на Федерацијата.
ФФМ сега ќе треба да ја извести и УЕФА дека официјално е потврдена локација за одигрување на баражот закажан за 26 март 2020 година. Победникот од овој натпревар поптоа во финалниот бараж ќе игра со подобриот од вториот полуфинален дуел помеѓу Грузија и Белорусија. Севкупниот победник ќе избори историски пласман на ЕУРО 2020.
Воедно, ФФМ донесе одлука за премија од 50 илјади евра која ќе ја поделат фудбалерите и стручниот штаб за пласманот на третото место во квалификациите кои завршија минатиот месец.