Најдобриот тенисер во светот Новак Ѓоковиќ е на списокот на пријавени играчи за Мастерсот во Париз кој почнува на 1 ноември.
Ѓоковиќ на последниот меч на УС Опен изгуби од Данил Медведев, па одлучи да го пропушти Мастерсот во Индијан Велс.
Денеска организаторите на турнирот го објавија списокот на пријавени играчи на него е името на српскиот тенисер.
Меѓутоа, ова не значи дека Ѓоковиќ ќе игра со сигурност бидејќи на турнирот има автоматски пријави, што значи дека играчите сами ги праќаат отказите.
Новак беше пријавен и за Индијан Велс, па на крајот одлучи да го пропушти.
На официјалниот сајт на српскиот тенисер нема информации за наредниот турнир на кој ќе учествува. Покрај Мастерсот во Париз, Ѓоковиќ би можел да игра и на Завршниот мастерс во Торино и Дејвис купот.
