Проблеми со составот во пресрет на баражот во четврток нема само Македонија, туку и косовскиот селектор се соочува со низа главоболки.
Швајцарскиот стратег Бернар Шаланд плива дури во поголеми проблеми од нашиот Игор Ангеловски. Кај нас голем проблем со појави со позитивниот тест на Елиф Елмас дефинитивно отпадна, но добри вести стигнаа утринава бидејќи Горан Пандев успеа да излезе од изолацијата во Италија и пристигна во Скопје.
Затоа пак, Шаланд бележи низа откажувања. Напрво најдобриот Милот Рашица од Вердер отпадна поради повреда, потоа поради караница го изостави Бернард Бериша, а денеска од листата на повикани играчи отпаднаа и двајцата играчи од средината родени во Швајцарија, Хекуран Крјезиу и Идриз Воца. Поради повреда воопште не се најде на списокот Бесар Халими, треквартиста роден во Германија.
Голем проблем претставува и повредата на новиот играч на Лацио, голгетерор Ведат Муриќи. Селекторот е песимист дека тој ќе игра в четврток.
„За Ведат Муриќи, ќе мора да почекаме и да видиме. Во вторник ќе прави тестови со медицинскиот тим на Лацио за да се види како напредува опоравувањето од повредата. Ајде да видиме. Но, морам да кажам дека сум песимист околу можноста тој да се опорави на време поради природата на повредата“, вели Шаланд.
Добра вест за Косово е што повредените Едон Жегрова и Лирим Кастрати се чини целосно се опоравија и викендов настапија за своите тимови, Базел и загрепски Динамо. Жегрова дури и постигна гол.