Секој знае дека здравиот и длабок сон е многу важен за здравјето. По немирна ноќ причините најчесто ги бараме во лошата постелнина или стариот кревет. Д-р Џон Дулард наведува дека положбата во која спиеме значително влијае на целокупната состојба на организмот, варењето, па дури и тенот.
Спиењето на десната страна може значително да влијае на вашето здравје, така што спиењето на левата страна е многу поздраво. Причината е во вас: кога јадете, вашиот стомак е блиску до средината на вашето тело, но кога спиете, се наведнува надесно.
Ако сте јаделе нешто непосредно пред спиење, голема е веројатноста дека ќе добиете горушица (гастритис).
Ако спиете на левата страна од телото, тогаш желудникот (и неговата содржина) ќе биде под хранопроводникот. Меѓутоа, ако се свртите на десната страна за време на спиењето, желудникот ќе биде над хранопроводникот. Затоа, желудечната киселина полесно ќе помине од желудникот во хранопроводникот и ќе предизвика горушица.
Но, тоа не е сѐ. Покрај тоа, дури и на трудниците им се советува да спијат на левата страна, бидејќи тоа го намалува ризикот од раѓање на мртво дете.
Со спиењето на левата страна се поддржува процесот на побрзо поминување на остатоците од храната низ цревата. Исто така, положбата на аортата при спиење на левата страна резултира со подобра циркулација на крвта од срцето до сите делови на телото, дури и до најоддалечените, како што се стапалата, кои често се ладни навечер (сега погодете зошто ).
Дополнително, се олеснува работата на слезината која исто така се наоѓа на левата страна од телото и има функција на „филтер за крв“. Во овој случај, крвта побрзо стигнува до слезината, се прочистува и понатаму се транспортира низ телото.
