Златан Ибрахимовиќ е на чекор од заминување од Милан летово.
Според Sky Sport Italia, негова следна дестинација е Хамарби. Договорот на Ибра со миланскиот гигант истекува на крајот на сезоната и досега нема никакви најави дека ќе биде продолжен.
Швеѓанецот наводно ќе го напушти Милан на 31 август и размислува за враќање дома, каде би играл за Хамарби, велат изворите на Sky Sport Italia.
Популарниот Ибра поседува 25% од овој клуб и тренираше со екипата за време на карантинот воведен поради пандемијата.
Ибрахимовиќ ќе наполни 39 години во октомври, а откако се врати во Милан во јануари, одигра 11 натпревари и постигна четири гола за „росонерите“.
Искусниот напаѓач поради повреда на листот ги пропушти првите два натпревари откако беше обновена Серија А, а синоќа играше против СПАЛ (2:2), кога имаше две шанси, но не постигна гол.
