Напаѓачот на Милан му се спротистави на директорот на клубот од Сан Сиро, откако Иван Газидис се појави на тренинг за да им соопшти на играчите дека им е намалена платата.
Милан го прифати планот на Газидис за намалување на платите за да може клубот постепено да се враќа на патот на старата слава.
Клубот го прифати барањето на играчите од пред пет дена, што значи дека клубот за април ќе им исплати на играчите 50% од платата, а за останатите месеци цела плата.
Италијанските медиуми објавуваат дека за време на состанокот дошло до директно соочување меѓу Златан Ибрахимовиќ и Газидис, а Швеѓанецот сакал да добие одговор каде бил директорот на клубот во изминатите неколку недели.
„Зошто те немаше толку долго време и зошто се појави 48 часа пред натпреварот од полуфинале?“, го прашал Ибра Газидис и наводно додал дека „Милан веќе не е клубот што беше некогаш“ и дека има многу несигурности во великанот од Милан.
Според италијанските медиуми, Газидис наводно одговорил: „Да, вистина е. Милан не е клубот што беше некогаш во поглед на успесите и финансиите“.
Милан утре игра против Јувентус во Торино го реванш натпреварот од полуфиналето на Копа Италија. Средбата почнува во 21 часот. Првиот натпревар што се одржа во Милано заврши 1:1.
