Во студија објавена во списанието PLOS Medicine, тим од Универзитетот во Берген, Норвешка откри дека долготрајната транзиција од типична западна диета кон „оптимална исхрана“ може да доведе до повеќе од една деценија дополнителен животен век на младите возрасни.
За постарите, очекуваниот животен век би бил помал, но сепак значаен.
Авторите на оваа студија користеа податоци од студијата Global Burden of Disease од 2019 година и „Методологија на табела за живот“ за да проценат како се зголемил животниот век со постојаните промени во исхраната.
Од 20-годишна возраст, жената која би почнала да се храни оптимално би можела да го продолжи својот животен век за повеќе од една деценија, а мажот за 13 години. Најголемата добивка во очекуваниот животен век би се постигнала со јадење повеќе мешунки, цели зрна и јаткасти плодови и помалку црвено и преработено месо.
Префрлањето на оптимизирана диета на 60-годишна возраст би го продолжило животниот век за осум години за жените и за речиси девет за мажите. Луѓето кои имаат 80 години би добиле 3, 4 години подолг живот.
