Најчесто кога ви тече носот, претпоставувате дека станува збор за настинка. Но, ако состојбата не се подобрува или напротив, се влошува, можеби во прашање е воспаление на синуси.
Важно е да знаете дека иако може да се појават слични симптоми, настинка и воспаление на синуси се две различни состојби.
Обичната настинка, поточно вирусното воспаление на назалната слузокожа и предниот дел на грлото, ја карактеризира кивање, чувство на затнат нос и уши, стегање и лесна болка во грлото. Болеста почнува по инкубација од еден до три дена и најчесто трае околу седум дена по што доаѓа до целосно оздравување.
Симптоми на настинка вклучуваат болно грло, растечен нос, кашлица, кивање, главоболка и болки во телото.
Воспалението на синуси вклучува воспалена и отечена синусна слузница која може да биде бактериска, вирусна па дури и габична. Најчести симптоми се притисок во главата и главоболка, обилен исцедок од нос, а кај посилни воспаленија и зголемена температура.
Важно е да се направи детален преглед
Ако има гноен секрет тоа може да значи бактериско воспаление. Исцедок со крв исто така зборува за воспаление и треба детално да се прегледа целата носна шуплина.
Според Американскиот центар за алергија, астма и имунологија, симптоми на воспалени синуси вклучуваат постназално течење, зелена боја на слуз од носот, чувствителност на лицето под очите или челото, болка во предниот дел на главата, болки во забите, кашлица, температура, умор и лош здив.
Кога се оди на лекар?
Експертите советуваат да почекате седум дена пред да одите на доктор. За тоа време обидете се да одморате и пиете доста течности. Ако често се наоѓате во оваа ситуација, експертите советуваат да посетите оториноларинголог.
Брз лек за настинка нема, но важно е да земате многу течности и користите лекови кои може да ги земате без рецепт, но нема да влијаат бидејќи настинката е предизвикана од вируси, не од бактерии.
Воспалението на синуси често минува само од себе, но ако вашата инфекција никако не минува и е предизвикана од бактерија, ќе ви требаат антибиотици и најдобро е да обратите на лекар.
