Хоби активностите се одличен начин со кој можеме да си го исполниме слободното време, но и да запознаеме луѓе со слични интереси. Но, дали некогаш сте се запрашале како најбогатите луѓе во светот го минуваат слободното време?
Некои од богаташите во Америка обично се основачи или извршни директори на големи и успешни компании, инвеститори или само наследници на семејно богатство, пишува Fortune.
Многумина поседуваат приватни авиони и јахти и имаат неколку куќи за одмор. Не трошат пари за кино или фитнес центри бидејќи дома имаат домашно кино и свои теретани. Па затоа, поголем дел од слободното време го минуваат во хоби активности.
Според извештајот на New World Wealth (NWW), која ги следи навиките на најбогатите луѓе во светот, најчести хоби активности на милионерите во 2022 година се голф, купување уметнички колекции, велосипедизам, скијање, едрење, јавање коњи, риболов, скапи часовници, автомобили.
Велосипедизмот и правењето колекции на скапи автомобили, како и риболовот, се особено популарни од 2013 година, кога е и почнато првото истражување од овој вид. Најбогатите луѓе во светот имаат доста активности поврзани за престој на отворено како играње голф и јавање коњи.