Изборот на правилна исхрана игра клучна улога во секој аспект од нашето здравје.
Ова е особено точно кога станува збор за нашето срце, бидејќи храната што ја јадеме може да ни помогне да одржиме оптимално ниво на холестерол, па дури и да го намалиме ризикот од срцеви заболувања.
Иако многумина ги поврзуваат јаглехидратите со негативни здравствени импликации, одредени видови всушност можат да бидат неверојатно корисни за кардиоваскуларното здравје.
Диететичарката Софија Тарнер открила три намирници кои се одлични за здравјето на нашето срце, а можат дури и да го намалат холестеролот и ризикот од срцеви заболувања.
Чаша овесна каша не е само вкусна и разноврсна, туку има и бројни придобивки за целото тело. Тоа може да биде особено добро за оние кои сакаат да го намалат холестеролот.
„Овесот содржи растворливи влакна наречени бета-глукан, кои помагаат во намалување на нивото на ЛДЛ холестеролот. Бета-глуканот создава супстанца слична на гел во дигестивниот тракт која се врзува за холестеролот, спречувајќи ја неговата апсорпција во крвотокот“, објасни Тарнер за SheFinds.
Таа нагласува дека редовното консумирање овес може да помогне во намалувањето на нивото на LDL („лошиот“) холестерол, додека го одржува нашиот HDL („добар“) холестерол. Сето ова може да придонесе за поздраво срце и помал ризик од болести.
„Како и овесот, јачменот содржи бета-глукан, кој создава соединение слично на гел што се врзува за холестеролот во дигестивниот систем, намалувајќи ја неговата апсорпција. Со мешање во апсорпцијата на холестеролот, јачменот помага во намалување на нивото на LDL холестеролот“, тврди диететичарката.
Таа вели дека неговата висока содржина на влакна промовира ситост и помага во контрола на тежината, придонесувајќи за подобрување на нивото на холестерол и здравјето на срцето. Покрај тоа, тој е вкусен додаток на супи, чорби и салати.
Мешунките, како гравот, леќата и наутот се моќни намирници кои дефинитивно треба да ги вклучиме во исхраната, особено ако сакаме да го одржуваме срцето здраво и да го намалиме холестеролот.
Тарнер наведува дека растворливите влакна во мешунките помагаат во намалување на LDL холестеролот со запирање на неговата апсорпција во цревата.
„Редовното консумирање мешунки во различни облици, како супи, салати или прилози, може да придонесе за подобрување на нивото на холестерол и целокупното здравје на срцето“, заклучува диететичарката.
