Холандскиот менаџер на чело на Манчестер Јунајтед, минатата година ипол потроши огромни средства на засилувања, но резултатите не ги оправдаа средствата потрошени за нови играчи. Сепак, тој уште некое време ќе биде на клупата на Манчестер Јунајтед.
Иако веќе со недели се зборува за заминувањето на Луи Ван Гал од Јунајтед, управата нема да му даде отказ се додека постојат теоретски шанси да избори пласман во Лигата на Шампионите, а од таа цел во моментот го делат 6 бодови.
Ако му дадат отказ додека постојат теоретски шанси за пласман во Лигата на Шампионите, ќе мораат да му исплатат 10 милиони евра, односно 12,7 милиони евра отштета, пишуваат британските медиуми. Таа клаузула ја има од почетокот, а во формата во која игра клубот, тешко е да се претпостави дека ќе успеат да ја надокнади разликата што ја имаат зад Сити.
Сепак, англиските медиуми се сомневаат дека Ван Гал ќе го води клубот следната сезона. Според обложувалниците, најголем фаворит е Жозе Мурињо, кој јавно изјави дека сака да го преземе клубот од Манчестер. Против тоа се клупските легенди, Боби Чарлтон и Алекс Фергусон, пишуваат медиумите.
Навивачите пак, би сакале да го видат Рајан Гигс на кормилото на клубот, кој сега му е помошник на Ван Гал, додека Фергусон наводно навива за тренерот на Тотенхем, Маурисио Покетино.