Сирењето има богата кулинарска историја, а луѓето го прават повеќе од 4.000 години. Денес има 2000 сорти, па логично е да се запрашаме: кое е најздравото сирење?
Раните студии ја потврдија врската помеѓу високиот внес на заситени масти од млечните производи и зголемениот ризик од срцеви заболувања. Но, полномасните млечни производи можеби не се толку нездрави како што се мислеше, според неодамнешното истражување. Преглед на студии од 2023 година заклучи дека сирењето е „богато со хранливи материи“ и има „неутрални до умерени придобивки за здравјето на луѓето“.
„Иако содржи заситени масти, сирењето содржи корисни хранливи материи како протеини и калциум“, вели нутриционистката Натали Ризо за Today.
На пример, едно парче чедар има пет грама заситени масти, но и седум грама протеини и обезбедува 14% од препорачаната дневна вредност на калциум. Покрај тоа, витамините А и Б се наоѓаат и во сирењето.
Кое сирење е најздраво?
„Би рекла дека најздравиот избор е урдата. Има помалку заситени масти и повеќе протеини од повеќето други сирења“, забележува Ризо.
Половина шолја урда со малку маснотии има:
90 калории
12 грама протеини
2,5 грама масти
5 грама јаглени хидрати
125 милиграми калциум (10% дневна вредност)
На второ место се меките сирења како што се рикота или моцарела, кои се направени од нискомаслено или обезмастено млеко, па затоа имаат помалку заситени масти и генерално се поздрави.
„Тврдите сирења како пармезанот, чедарот и швајцарскиот природно се пониски во лактоза, така што луѓето со нетолеранција на лактоза може да имаат корист од изборот на тие производи. Генерално, секое сирење е добро во умерени количини, а хранливата содржина варира само малку помеѓу сортите“, вели Рицо.