Новите податоци за продажбата покажуваат дека купувачите сè уште ја ставаат ниската цена пред премиум функциите што ги нудат модерните смартфони.
На пазарот на смартфони во 2023 година доминираше Apple, при што зазеде дури седум од десет места на листата најпродавани телефони, покажуваат резултатите од истражувањето на аналитичката компанија Canalys.
На листата на најпродавани телефони честа на Android смартфоните ја одбрани јужнокорејската компанија Samsung која имаше три уреди во Топ 10 за 2023 година.
Најдобро рангиран е Samsung Galaxy A14 4G, кој се најде на 6-то место. Своето место под сонцето го најдоа и Samsung Galaxy A54 5G (8-мо место) и Samsung Galaxy A14 5G (9-то место).
При гледањето на табелата треба да се истакнат уште две интересни работи - првото место не го зазеде Apple со најновиот iPhone уред, туку со една генерација постар модел. Исто така, најпродаваниот на Samsung беше Galaxy A14 4G, додека неговата 5G верзија заврши неколку места подолу.