Каталонскиот тим на стартот од новата сезона покажа друг лик, а новиот тренер смета дека неговиот тим е потценет.
„Завршивме одлична работа, многу сум горд. Игравме со голема дисциплина и создадовме многи шанси. Многу сум среќен“, изјави Роналд Куман по синоќешната победа од 3:0 против Селта на гости.
„Важно беше да се зборува со тимот на полувреме, околу начинот на игра. Бевме доста компактни. На крајот резултатот беше фер“.
Холанѓанецот седна на жешкото столче во Барса заменувајќи го Кике Сетјен кој имаше разочарувачки крај на сезоната. Куман почна со победа од 4:0 над Виљареал, а потоа ја среди и Селта.
„Не можам да зборувам за она што се случи лани. Од прв ден видов дека играчите се многу гладни за успех. Тренираа со голем интензитет, а играат исто како што тренираат. На овој натпревар играа исто до последна секунда и тоа на тежок терен. Тоа покажа колку добро сме подготвени физички“.
„Како секој тренер, потребно ми е време, но овој тим е многу подобар отколку што луѓето мислат. Имаме 6 поени, постигнавме 7 голови, а не примивме нити еден. Тоа покажува колку напредуваме“, заврши холандскиот стратег.