Заменик претседателот на Lenovo, Чанг Ченг, на кинеската социјална мрежа Weibo објави неколку детали за новиот адут на компанијата чија предна страна ќе биде целосно составена од екран и ќе има текна рамка на страните. Името на телефонот ќе биде Lenovo Z5.
Скица од новиот Lenovo Z5 беше објавена една недела откако компанијата објави слика на која се гледа четвртина од екранот на новиот телефон.
Ченг вели дека телефонот ќе биде во сооднос 95% екран и 5% останато тело, што самото по себе е импресивно, но изненадувањата не застануваат тука. Според неговите тврдења, новиот Lenovo Z5 ќе донесе 4 нови технолошки откритија заедно со 18 нови патентирани технологии. За жал, ќе мора да почекаме за да дознаеме за повеќе детали, а посебно занимливо е да се види како Lenovo има во план да вметне предна камера на овој телефон.
На пример, Mi Mix 2 има сооднос од 91,3% екран во однос на телото, што е меѓу најдобрите во телефонската индустрија, но сепак има мал пластичен дел од телото на долниот дел од телефонот каде е сместена камерата.
Неколку нови пронајдоци беа искористени во производството на Lenovo Z5, од кои дел веќе постоечки, а дел комплетно нови и патентирани од страна на компанијата. Овој телефон ќе има вграден сензор за отпечатоци од прст низ целиот екран.
Lenovo, кој имаше (скоро) неуспешна инвестиција со купувањето на Motorola за 2,91 милијарда долари, во моментов губи дури и на домашниот кинески пазар од брендови како Xiaomi, Vivo и Huawei. На технолошкиот гигант навистина му е потребен полн погодок доколку сака сериозно да се вмеша помеѓу самиот врв на телефонската индустрија.