На отворањето од овогодинешниот Боксинг деј Лестер и Манчестер Јунајтед ги поделија бодовите со што продолжи лошата серија на „Лисиците“ против тимот на Оле Гунар Солскјер.
Лестер никако да победи против „Црвените“ од Манчестер. „Лисиците“ немаат победа против овој клуб од септември 2014 кога дома славеа со 5:3 и оттогаш редат порази и по некој нерешен резултат. Оттогаш ова е вкупно 13-ти натпревар, а Манчестер има 9 победи со 4 нерешени. Сите натпревари се во Премиер лигата, освен еден кој беше англиски Суперкуп.
Денеска Маркус Рашфорд го отвори резултатот по асистенција од Бруну Фернандеш во 23. минута, но домаќините брзо израмнија со голот на Харви Барнс осум минути подоцна.
На следниот погодок се чекаше до 79. минута кога Единсон Кавани одично го проигра Фернандеш, а португалскиот голгетер ја смести топката зад грбот на Каспер Шмајхел.
Лестер повторно брзо врати кога Алојсе Перес го пронајте Џејми Варди во шестнаесетникот, а овој од прва го постигна својот гол број 12 сезонава во Премиер Лигата.
Манчестер пропушти прилика да го надмине Лестер на табелата. Со поделбата на бодовите Лестер има 28 на 2. место, еде повече од третиот Манчестер Јунајтед.
