Фудбалерите на Манчестер Јунајтед го совладаа Нотингем Форест со 2:0 и со тоа се пласираа во финалето на Лига купот со вкупни 5:0.
Јунајтед немаше поголеми проблеми да го потврди пласманот, кој беше речиси решен по првиот натпревар и оние 0:3 во Нотингем. Сепак, тренерот Ерик тен Хаг изведе прилично силен состав, без разлика на резултатот од првиот натпревар.
Во првото полувреме немаше голови, а потоа Јунајтед за две минути го реши прашањето на победникот.
Во 73. минута Ентони Марсиал погоди, а само три минути подоцна Фред постигна гол за конечни 2:0 и пласман во финалето на Лига купот со многу убедлив резултат.
Така го добивме дербито меѓу два Јунајтеда во финалето. Иако Лига купот се смета за „помалку важен“ во Англија, оваа година нè очекува фантастично финале.
Во дуелот за трофејот ќе го гледаме Њукасл Јунајтед против Манчестер Јунајтед. Њукасл го чека трофејот цела своја историја, додека Јунајтед го нема освоено трофејот шест години, што е голема суша за ваков фудбалски гигант. Последен пат го освои во 2017 кога со 3:2 го победи Саутемптон во финалето.
Лига куп финалето е закажано за 26 овој месец во Лондон, нормално - на „Вембли“. Бранител на троннот беше Ливерпул.
За „Црвените ѓаволи“ ова ќе биде вкупно 10-то Лига куп финале, а има 5 победи и 4 порази. За Њукасл ќе биде само второ бидејќи досега го има само финалето од 1976 година, кое го загуби од Манчестер Сити со 2:1.
Англискиот Лига куп всушност го носи името ЕПЛ куп (затоа што е организиран од Англиската фудбалска лига), а поради спонзорски причини моментално се нарекува и Карабао куп. Сепак, историски и разговорно го викаат Лига куп.
