Она што се најавуваше од почетокот на неделава полека се остварува откако попладнево клубот од Манчестер потврди дека трансферот на норвешкото чудо е договорен.
![](/sites/default/files/styles/article_image_xxl/public/2022-05/%D0%A5%D0%BE%D0%BB%D0%B0%D0%BD%D0%B4-%D0%94%D0%BE%D1%80%D1%82%D0%BC%D1%83%D0%BD%D0%B4-%D0%A1%D0%B8%D1%82%D0%B8.jpg?itok=fsSjsy5w)
Според она што го открија „Светлосините“ од Манчестер, слободно може да се каже дека Ерлинг Браут Холанд е веќе нов играч на Манчестер Сити.
„Манчестер Сити потврдува дека постигнавме начелен договор со Ботрусија Дортмунд за трансфер на напаѓачот Ерлинг Холанд во клубот на 1 јули 2022. Трансферот останува под услов клубот да ги финализира условите со играчот“, објавија „Граѓаните“.
Тешко е да се верува дека трансферот допрва ќе пропадне знаејќи дека Сити може да ги исполни сите финансиски желби на Холанд, па оттаму може слободно да констатираме дека Норвежанецот е првото големо летно засилување за тимот на Пеп Гуардиола.
Сити е на пат да ја одбрани титулата во Англија, но Лигата на шампионите и натаму останува нереализиран сон, па затоа од јули во тимот доаѓа голгетерот Холанд.