Актуелниот македонски кошаркарски првак МЗТ го совлада вечерва Пелистер со 95:76 во првенственото дерби кое донесе врвна кошарка, но и инцидент на трибините во салата „Јане Сандански“.
МЗТ заслужено дојде до победата и се израмни на врвот на табелата со Пелистер со ефект од 24 победи и 4 порази пред разигрувањето за титулата.
Немања Милошевиќ со 17 поени и 9 скока беше најефикасен во редовите на домашните, додека Хуан Дејвис запиша поен помалку и 5 скока.
На стартот на втората четвртина полицијата и обезбедувањето спречија физички контакт меѓу навивачките групи, но двете страни искористија десетина пластични столчиња во пресметката.
Според првичните информации, во инцидентот нема повредени.
