По големиот експериментален концерт во Барселона, настан што претставуваше еден од најголемите собирања од тој вид во Европа од почетокот на пандемијата, забележани се само 6 случаи на заразени со коронавирус, но само две лица се директно заразени во текот на концертот.
Од околу 5.000 лица присутни на концертот сите биле тестирани на COVID-19, а цело време морале да носат маски, пренесе BBC.
Резултатите покажуваа дека 6 луѓе се заразиле во рок од 14 дена по концертот, што е помал процент на заболување од вообичаеното во општата популација.
Од шестмина заразени, четворица се заразиле на друго место, не на концертот, заклучиле истражувачите.
„Нема знаци кои би укажувале на пренесување на вирусот на концертот. Се надевам дека овие резултати ќе дадат поттик во културата и светот и дека повторно ќе се слуша музика онака како што треба“, вели инфектологот Хосе Мариа Либере.