Освен лимон и мед, одличен сојузник во борбата против настинка, вируси и грип е и ѓумбирот. Не само што одлично оди во комбинација со наведените состојки, туку и ја лекува кашлицата побрзо од сите останати природни лекови.
Ѓумбирот со години наназад се користи за лекување на кашлица и болки во грлото, за намалува на телесната температура, против мачнина и главоболка.
Ја ублажува кашлицата, а особено помага кога сте настинати.
Причина поради која ѓумбирот e добар за вашиот организам е хемиската состојка која се нарекува гингерол. Оваа состојка има противвоспалително дејство, што значи дека може да ги ублажи болките. Исто така, ѓумбирот содржи антиоксиданти кои ги неутрализираат штетните слободни радикали во телото.
Противвоспалителното дејство на ѓумбирот исто така е добро за главоболката. Пред да се обидете да ја ублажите болката со лек, обидете се со половина ѓумбир.
Како да подготвите природен лек со ѓумбир?
Чај од ѓумбир со лимон и мед
Потребно е: шолја зовриена вода, ѓумбир, лажица мед и лажица лимонов сок.
Откако ќе зоврие водата, додајте го ѓумбирот и оставете го да отстои 3 минути. Додајте 1 лажица лимонов сок и мед. Процедете го чајот. Промешајте и уживајте во напивката.
Сок од ѓумбир
Потребни состојки:
Шолја шеќер, ¼ лажичка пекарски квасец, 2 лажици рендан ѓумбир, вода, сок од цитрон и лимон.
Со помош на инка ставете шеќер и квасец во шише. Потоа додајте го сокот од ѓумбир, лимон или цитрон и вода. Затворете и протресете, а потоа додајте уште малку вода. Оставете го сокот да отстои два дена.
