Бранителот на титулата во НБА лигата Лос Анџелес Лејкерс ја запиша четвртата последователна победа на гостувањата во новата сезона, откако триумфираше синоќа над Мемфис со 94:92.
Лејкерс на паркетот беа предводени од тандемот Леброн Џејмс и Ентони Дејвис, кои постигнаа по 26 поени. Џејмс додаде 11 скокови и седум асистенции зад своето име, додека Дејвис запиша и десет скокови и четири асистенции.
Резултати од ноќта меѓу вторникот и среда:
Бруклин – Јута 130:96
Мемфис – ЛА Лејкерс 92:94
Денвер – Минесота 123:116
ЛА Клиперс – Сан Антонио 113:116
Портланд – Чикаго 108:111.
