Компанијата Ford ја претстави специјалната верзија на суперавтомобилот GT со кој ја одбележа 55-годишнината од победата на трката 24 часа Ле Ман (24 Hours of Le Mans) од 1966 година.
Станува збор за моделот Ford GT Heritage Edition кој има карбонска каросерија во Frozen бела боја и 20-инчни алуминиумски фелни во златна боја.
Контраст прават сината и црвената боја, а автомобилот го носи легендарниот победнички број „98“.
Внатрешноста е главно тапацирана со црна „алкантара“, а седиштата со истиот материјал, но во црвена боја.
Купувачите може да добијат и пакет Heritage Upgrade Package со 20-инчни фелни од карбонски влакна.
GT вози на познатиот 3,5-литарски твин-турбо V6 мотор кој развива 651 КС.
Ford планира да произведе само 50 примероци од специјалниот модел.