Одложен е натпреварот од 18. коло на Премиер лигата меѓу Манчестер Јунајтед и Брајтон поради големиот број на позитивни случаи со коронавирус во редовите на „Црвените ѓаволи“.
Дуелот на Олд Трафорд требаше да се одигра во сабота од 12 часот и 30 минути.
„Здравјето на нашите играчи е нашиот приоритет. Со оглед на бројот на играчи кои треба да бидат во изолација поради инфекцијата со COVID-19, клубот донесе одлука да го одложи натпреварот. Со жалење и разочарување ја соопштуваме оваа одлука на нашите навивачи“, стои во соопштението на Манчестер Јунајтед.
Норич исто така го откажа натпреварот со Астон Вила поради зголемениот број на позитивни тестови.
Короната се прошири и во редовите на Лестер Сити поради што е одложен натпреварот со Тотенхем, а слична е и ситуацијата во Вотфорд.