Ново истражување објавено во Хонг Конг откри дека новата варијанта омикрон се шири 70% побрзо од делта и оригиналниот сој, но остава помала штета на белите дробови, за разлика од претходните соеви.
Научниците кои учествувале во ова истражување и претходно проучуваа други вирусни инфекции. Техниката што ја користеа во претходните истражувања ја применија и во најновото за да откријат колку брзо омикрон се пренесува и како влијае на човечкиот организам, па резултатите ги споредија со другите варијанти на коронавирусот.
За 24 часа од земањето на примерокот на вирусот, варијантата омикрон се реплицирала 70 пати повеќе отколку делта и оригиналниот сој на SARS-CoV-2. Но, во човечкото белодробно ткиво се размножила помалку ефикасно што укажува дека инфекцијата предизвикува само полесен облик на болеста.
„Важно е да се каже дека сериозноста на болеста кај луѓето не е одредена само со репликација на вирусот, туку и од имунолошкиот одговор на организмот на инфекција, што може да доведе до дисрегулација на имуниот систем. Затоа, земајќи ги предвид неодамнешните истражувања кои покажуваат дека омикрон делумно го заобиколува имунитетот стекнат со вакцина или антитела од прележан ковид, вкупната закана од овој сој веројатно ќе биде значајна“, се наведува во истражувањето.
