Една од најважните хранливи материи е витаминот Б12, кој на луѓето им е потребен за нормално функционирање.
Витаминот Б12 учествува во многу процеси во телото, вклучувајќи ја и синтезата на ДНК, формирањето на црвените крвни зрнца и изолационата обвивка која им овозможува на сигналите да минуваат низ нервниот систем.
Ќе наведеме некои од симптомите на недостаток на витамин Б12, доколку сте ги почувствувале речиси сите симптоми, обратете се кај вашиот лекар.
Недостатокот на Б12 може да предизвика анемија и симптоми како што се замор, мускулна слабост, вртоглавица или зашеметеност. Сепак, помалку е познато дека недостатокот на витамин Б12 може да предизвика и когнитивни проблеми.
Според една статија објавена во British Medical Journal (BMJ) оваа година, има пет проблеми забележани кај 85% од пациентите со недостаток на Б12: проблеми со меморијата, когнитивни тешкотии, афазија, проблеми со учењето и главоболки (мигрени).
„Анемијата е присутна кај помалку од 20% од луѓето со недостаток на витамин Б12. Невролошките проблеми, кои се многу почести, може да потраат со месеци, па дури и години за целосно да се решат“, се наведува во написот.
За луѓе кои немаат тежок дефицит на витамин Б12 и невролошки симптоми, витаминот Б12 може да се дава орално во доза од 1.000 до 2.000 μg еднаш дневно. Витаминот Б12 го има само во храната од животинско потекло. Количината на витамин Б12 во храната зависи од видот на храната и земјата на производство.
Во повеќето случаи, ситуацијата ќе се подобри кога ќе ја збогатите исхраната со месо, риба, сирење, путер, јајца, прехрамбен квасец и храна збогатена со витамин Б12. Меѓутоа, ако недостатокот е потежок, можеби ќе треба да земате дневни додатоци или дури и да примате инјекции.
