Татковците играат важна улога во воспитувањето на ќерките, ги учат на независност, сила и отпор. Но, понекогаш можеби не умеат или не знаат тоа да го пренесат на вистинскиот начин.
Затоа е важно да знаете што и како да зборувате со ќерката и како да го зацврстите вашиот заемен однос, градејќи подобра врска.
Овие пет работи секоја ќерка сака да ги слушне од нејзиниот татко:
Важно е да делите комплименти кога ќерка ви ќе се дотера, но треба да и дадете до знаење дека е убава и кога е дома по пижами или по целодневно учење. Да им кажувате на девојчињата дека се убави, без разлика на облеката или на шминката, е една од најважните работи кои ќе им помогнат на девојките да изградат самодоверба и ќе гледаат подалеку од стереотипните стандарди за убавина поставени од општеството.
Лутината многумина ја сметаат за негативна емоција, особено кога се во прашање жените. Многумина сметат дека жената треба да биде „дама“ и да се воздржи од изразување лутина бидејќи тоа не е женствено. Меѓутоа, многу е важно да се нормализира изразувањето интензивни емоции, вклучувајќи и лутина.
Можеби е смешно да барате помош од детето, но така ќе му помогнете да биде посилно. Важно е, откако ќе го замолите детето за совет истиот да го следите за да му дадете до знаење дека неговите зборови имаат вредност.
Вербата во ќерката не е доволна. Важно да покажете дека верувате во жените и ги поддржувате. Вашето мислење за рамноправност на половите, еднаквите права и женската сила ќе влијаат на ќерката со што ќе всадите исти верувања.
Иако многумина од нас зборуваат дека изгледот не е важен, во реалноста не е така. Меѓу тинејџерите и младите луѓе изгледот има важна улога во одредувањето на начинот како некој ќе биде третиран. Ако на девојчето му потенцирате дека тоа е повеќе од физичкиот изглед, ќе ја поттикнете да развие позитивна слика за себе, така што нема да дозволи никој да ја руши нејзината самодоверба.
