Рускиот претседател Владимир Путин е познат по својот немилосрден политички карактер, но иако личните односи ги чува во строга тајност, некои детали откриваат дека исто таков е и во приватниот живот.
Во биографијата на Путин „First Person“, поранешната сопруга на Путин и поранешна прва дама на Русија, Људмила Шкребнева, ги опиша деталите за нивната врска.
Во книгата, која содржи серија интервјуа со претседателот и луѓе блиски до него, Људмила открива дека немала којзнае какво мислење за „лошо облечениот“ маж со кој се забавувала во тоа време.
Меѓутоа, Путин направил редок потег и ѝ го дал својот телефонски број, па тој и Људмила продолжиле да бидат во контакт.
Три и пол години подоцна Путин отишол чекор подалеку, но начинот на кој ја запросил, тврди Људмила, бил толку чуден што мислела дека тој всушност ќе ја остави.
Како што вели, таа вечер седеле во домот, кога започнал: „До сега сигурно разбра каква личност сум. Не сум многу едноставен“, ѝ рекол Путин.
Људмила тврди дека во тоа време бил премногу самокритичен, објаснувајќи дека е тивок тип, многу навлегувал во одредени работи и дека умее да ги навреди луѓето.
„Рече дека е ризичен животен партнер и додаде: 'За три и пол години веројатно имаш донесено одлука'“, се сеќава таа.
Сето тоа ѝ звучело како да се работи за раскинување, па таа продолжи: „'Да, решив'. Бев сигурна дека тоа е тоа, дека раскинуваме, но потоа рече: 'Па, ако е така, јас те сакам и предложувам да се венчаме“, рекла Људмила и додала дека целиот момент за неа бил големо изненадување.
Со жената со која се оженил во 1983 година, а се развел во 2014 година, тврдејќи дека тоа е заедничка одлука, Путин има две ќерки - Марија и Катерина.
Иако го чуваа во тајност својот приватен живот, одлуката за развод беше јавно објавена во монтирано телевизиско соопштение.
Во една прилика Људмила, која изгради нов живот по разводот, во разговор со нејзината пријателка Ирене Пич призна дека Путин бил како вампир кој ѝ го цицал животот, а пак тој тврдел дека „секој што ќе успее да помине три недели со неговата сопруга заслужува да му се подигне споменик“.
Љубовниот живот на рускиот претседател секојдневно ги полни насловните страници на светските медиуми, а покрај жените со кои се поврзува, има и деца од неговите тајни врски со хигиеничарката Свјетлана Кривоногих и поранешната гимнастичарка Алина Кабаева.
