Тренерите на НБА екипите ги избраа резервните играчи за претстојниот Ол-стар натпревар, кој е на програмата на 20 февруари во Кливленд, а трета година по ред меѓу актерите ќе биде и словенечкиот кошаркар Лука Дончиќ.
Покрај ѕвездата на Далас, на Западот се избрани Крис Пол, Девин Букер, Донован Мичел, Дрејмонд Грин, Карл – Ентони Таунс и Руди Гобер.
Од Источната конференција на Ол стар натпреварот ќе играат Џејмс Харден, Џејсон Тејтум, Зек Лавин, Фред Ванвлит, Џими Батлер, Крис Мидлтон и Дариус Гарланд.
Стартната петорка од Истокот ја сочинуваат Тре Јанг, Дермар Дерозан, Јанис Адетокумпо, Кевин Дурант и Џоел Ембид, а капитенската лента ќе ја носи Дурант како играч со најмногу освоени гласови.
Капитен на Западот е Леброн Џејмс, а покрај него во почетната петорка се Никола Јокиќ, Џа Морент, Стив Кари и Ендрју Вигинс.
