Најстарата, и според многумина најдобрата лига на светот, денеска ја отфрли идејата за таканаречената Супер лига и воедно најави санкции за премиерлигашите кои ќе учествуваат во неа.
Најавата на Манчестер Јунајтед, Челси, Арсенал, Тотенхем, Ливерпул и Манчестер Сити дека зеадно со италијанските Милан, Јувентус и Интер и шпанските Реал, Барселона и Атлетико дека ќе создадат своја ексклузивна лига доби нож и од ШПремиер лигата.
„Премиер лигата, зеадно со ФА, денеска одржа состанок со клубовите со цел дискусија заведување непосредни импликации врз предлогот за Супер лигата“.
Сепак, на состанокот не учествувале шесте одметници.
„Присутните 14 клубови едногласно и енергично ги одбија плановите за такво натпреварување. Премиер лигата ги разгледува сите можни начини со кои би се спречило ова натпреварување, како и да се повикаат на одговорност акционерите од клубовите кои ќе учествуваат“.
„Премиер лигата им се заблагодарува на навивачите и сите засегнати страни за поддршката која ја искажаа деновиве во однос на ова прашање. Нивната реакција докажува колку фудбалот им значи на луѓето“, стои во соопштението на Премиер лигата.