Примерок од првата генерација на Apple iPhone се продаден за нешто повеќе од 39.000 долари.
Во неделата, LCG Auctions одржа аукција на која беше продадена копија од првата генерација на iPhone на Apple. Највисоката понуда за уредот со 8 GB внатрешна меморија беше 39.339,60 долари.
Кога се појави на пазарот во 2007 година, првиот iPhone чинеше 599 долари или 852 долара во денешната вредност. Понудите брзо се зголемија од 2.500 долари на пет цифри. Во текот на денот највисоката понуда на колекционерот беше нешто повеќе од 10.000 долари, но до вечерта достигна рекордна сума.
Легендарниот Стив Џобс го претстави iPhone во 2007 година, а Apple брзо продаде милиони примероци. Продадената копија е во фабричка состојба и е во оригиналното пакување. Покрај споменатата меморија од 8 GB, уредот има и камера од 2 MP.
За споредба, основниот модел на неодамна претставениот iPhone 14 има 128 GB внатрешна меморија и главна камера од 12 MP со ултра широки леќи.
