Добри вести доаѓаат од Островот: по завршувањето на вонредната состојба на стадионите ќе биде дозволено и присуство на одреден број на публика.
Британската Влада донесе одлука за враќање на навивачите на фудбалските стадиони веднаш откако ќе заврши вонредната состојба во земјата, односно од 2 декември. Ова го соопшти самиот премиер Борис Џонсон.
Далеку од тоа дека стадионите ќе бидат полни. Имено, согласно ситуацијата со коронавирусот во Обединетото Кралство, чиј составен дел е Англија, деловите на земјата се поделени според три критериуми.
По 4 илјади гледачи ќе бидат дозволени на сатдионите каде бројот на позитивни на COVID-19 е мал. Онаму каде заразеноста бележи подем ќе може да присуствуваат на стадион по 2 илјади гледачи, додека во регионите каде заразата е голема и натаму ќе се игра без присуство на публика.
Ова не важи само за Премиер лигата, туку и за Чемпионшип и Лиг 1 и 2.
