Видеото на кое ѕвездата на Челси жонглира и притоа паѓа врз загрозен вид на риба стана вирално и предизвика лавина негативни критики на негова сметка.
Американскиот фудбалер беше снимен како седи на раб на брод, жонглира, а под него се наоѓа уловена џиновска риба од видот епинефелус итајара, која е на листата на загрозени видови. Кристијан Пулишиќ во еден момент губи контрола и паѓа во вода и тоа директно врз рибата.
Рибата позната и како голијат групер е голема морска риба која плива во тропските води. Најчесто може да се забележи на источните брегови на САД вклучувајќи ја Флорида, Бахамите, Карибите и Бразил. Иако ретко, приметувана е и на западниот брег на Африка, најмногу кај Конго и Сенегал.
