Според фенг шуи, постојат растенија кои привлекуваат пари, како и оние за подобри љубовни врски, а кога станува збор за целокупната среќа, тогаш едно растение е најдобриот избор. Растението за домашна среќа (Helxine soleirolii) го поттикнува протокот на позитивна енергија во домот и носи радост и голема среќа на секој што го одгледува, според филозофијата на фенг шуи.
Растението наречено куќна среќа е одличен избор за подарок за роденден, годишнина од брак, вселување или друга прослава. Освен што изгледа украсно и одлично се вклопува во секој ентериер, се верува дека со подарувањето на ова растение на друга личност, дарувате среќа.
Куќната среќа може да се засади како трева во дворот, а најмногу наликува на мов. Кога ќе го засадите во саксија како домашно растение, ќе добиете убава мала грмушка. Според филозофијата на фенг шуи, можете да имате повеќе од овие растенија во вашиот дом, важно е само да не венеат и да се исушат, па им треба соодветна грижа.
Ова собно растение е многу лесно за одгледување. Потребна му е сончева светлина, но не треба да биде изложено на силна сончева светлина. Температурата која најмногу му одговара е од 10 до 24 степени Целзиусови. Неопходно е да се чува во проветрена просторија, бидејќи сувиот воздух лошо влијае на растението за време на грејната сезона.
Куќната среќа бара редовно наводнување, но не премногу за да не почне да гние коренот. Немојте да ги мокрите лисјата, туку почвата. Не бара пресадување, бидејќи може да достигне висина од само 18 сантиметри. Бидејќи коренот на ова растение е мал, не сака премногу големи саксии. Во пролетта, можете да ги обликувате и исечете врвовите кои потоа можете да ги користите за размножување на растението.
Зелената и декоративната куќна среќа можете да ја комбинирате со цветни растенија, за да создадете вистинска магија во саксиите или терариумот. Негувајте ја вашата куќна среќа со многу љубов, размножете ја и споделете ја со другите. Се надеваме дека ќе ви ја поттикне енергијата на просперитетот во домот.