Фудбалерите на Португалија утре во Порто ќе го одиграат финалниот бараж натпревар за пласман на Светското првенство во Катар што ќе се игра на крајот на годинава.
Натпреварот на прес-конференција го најавија тренерот Фернанду Сантуш и играчот Кристијано Роналдо.
Противникот кој стои меѓу Португалија и настапот на најголемото меѓународно фудбалско натпреварување е репрезентацијата на Македонија, која ја изненади Италија во полуфиналето од баражот и дојде до позиција само 90 минути да ја делат од историски успех. Италија, четирикратниот светски шампион кој исто така го пропушти и минатото Светско првенство, имаше 32 удара кон голот.
Македонците стрелаа само четири пати во ривалскиот гол во Палермо, а една од тие топки заврши во мрежата на Џанлуиџи Донарума. Трајковски го постигна голот на кариерата со одличен удар надвор од шеснаесетникот, испраќајќи ја топката во долниот десен агол.
Роналдо најави победа
Роналдо најави дека Португалија не планира да дозволи ново изненадување и дека е убеден дека овојпат Македонците нема да имаат причина за славење бидејќи неговата репрезентација ќе биде таа која ќе се пласира во Катар.
„Утре е финалето за нас и подготвени сме. Дали сме фаворити? Секогаш се сметам себеси за фаворит, дома или на гости. Знаеме дека победата нè води на Светското првенство. Имаме голема одговорност и мора да победиме“. изјави Роналдо, додавајќи:
„Македонците изненадија на многу натпревари, но јас сум убеден дека нас нема. Португалија ќе победи и ќе оди на Светско. Мундијалот не може да се игра без Португалија. Морам да истакнам дека ние сме вистинска репрезентација каде што никој не стои надвор, играме еден за друг“.