Русија го затвори својот воздушен простор за 36 земји, пренесува руската државна новинска агенција ТАСС.
„Во согласност со нормите на меѓународното право, како одговор на забраната на европските земји да вршат летови на цивилни авиони управувани од руски авиокомпании и/или регистрирани во Русија, беше воведено ограничување за летови на авиокомпании од 36 земји“, соопшти Росавиация, руската Федерална агенција за воздухопловен транспорт.
Како што е наведено, ограничувањата ќе ги погодат авиокомпаниите во следните земји:
- Австрија
- Албанија
- Ангвила
- Белгија
- Британски Девствени Острови
- Бугарија
- Германија
- Грција
- Данска (со Гренланд, Фарски Острови и Територијално Море)
- Естонија
- Ирска
- Исланд
- Италија
- Канада
- Кипар
- Латвија
- Литванија
- Луксембург
- Малта
- Норвешка
- Обединето Кралство (со Гибралтар и Џерси)
- Полска
- Португалија
- Романија
- Словачка
- Словенија
- Унгарија
- Финска
- Франција
- Холандија
- Хрватска
- Чешка
- Шведска
- Шпанија
Руската управа за цивилно воздухопловство денеска им забрани на британските авиони да го користат нејзиниот воздушен простор како одговор на одлуката на Лондон да ги забрани летовите на руската авиокомпанија Аэрофлот.
Се наведува дека мерката е донесена како одговор на „непријателските одлуки“ на британските власти кои ги забранија летовите на руската авиокомпанија Аэрофлот кон Обединетото Кралство во рамки на санкциите поради руската инвазија на Украина.