Полска уапси руски хокеар, кој игра за полски второлигаш, под обвинение за шпионажа, соопштија денеска обвинителите, со што тој стана 14-то лице уапсено во шпионски синџир.
Хокеарот ќе биде задржан во истражен притвор и може да се соочи со казна затвор до 10 години.
„Руските шпиони паѓаат еден по еден!“, напиша на Twitter полскиот министер за правда, Збигњев Зиобро.
Хокеарот е приведен во јужниот полски регион Шлонск, се вели во соопштението на обвинителот.
Хокеарот и неговиот тим не се јавно идентификувани, објави Reuters.
Како што напиша министерот Зиобро, играчот-шпион играл во клуб од 1 лига, што е втора по ранг лига во полскиот хокеј. Првата лига им се вика ПХЛ (Полска хокеј лига).
Обвинителот рече дека рускиот хокеар пристигнал во Полска во октомври 2021 година, а според Обвинителството, идентификувал критична инфраструктура за која бил платен од руска страна.
Полска во март објави дека разбила руска шпионска мрежа и приведе 9 лица, кои наводно подготвувале акти на саботажа.
