Откако Шакира и Жерард Пике ставија крај на својата 12-годишна романса, се појавија информации дека колумбиската пејачка била во врска со познатиот шпански тенисер.
Имено, според шпанскиот папарацо Хорхе Мартин, Шакира била во врска со Рафаел Надал пред да го запознае Пике во 2009 година.
Од друга страна, Надал во тоа време бил во врска со неговата сегашна сопруга Сиска.
Шакира и Надал се запознале за време на снимањето на спотот за нејзиниот хит „Gipsy“ кога наводно пламнала романса меѓу нив.
Интересно е и тоа што колумбиската ѕвезда го запозна Пике за време на снимањето на спотот за песната „Waka, waka“, која беше химна на Светското првенство во Јужна Африка една година по снимањето на спотот со Надал.
Никој од двајцата се нема изјаснето за наводите за оваа афера.