Речиси четири години откако владата реши да ги затвори границите, Фудбалската асоцијација на Северна Кореја потврди дека нивната фудбалска машка и женска репрезентација ќе игра на Азиските игри во Ханжу, Кина.
Репрезентацијата на Северна Кореја последен пат играше во квалификациите за Мундијалот 2022 на крајот на 2019 година, кога одиграа 0:0 со Либан. Од Азиските игри во 2018, Северна Кореја не учествуваше на ниту едно големо натпреварување, пропуштајќи ги Олимпијадата во Токио во 2021 и Зимската олимпијада во Пекинг во 2022 откако владата ги затвори границите поради пандемијата на COVID-19.
Сега, спортистите од Северна Кореја ќе се натпреваруваат во џудо, одбојка и фудбал на Азиските игри во Ханжу. Женската репрезентација освоија злато со победа над Јапонија на Азиските игри во 2018, додека машката репрезентација загуби во финалето од Јужна Кореја.
Азиските игри се отвараат во Ханжу на 23 септември и траат до 8 октомври. Северна Кореа во машка конкуренција е во група со Индонезија, Киргистан и Тајван, додека во женска е во група само со Сингапур бидејќи Камбоџа се откажа. За машкиот турнир важат олимписките правила, односно смеат да играат играчи до 23 години, а само тројца може да бидат постари.
