Ако сме растеле со токсични родители, постои голема веројатност дека честопати не сме биле ни свесни за тоа додека сме биле деца.
Како што објаснуваат психолозите, повеќето луѓе дури во зрелоста сфаќаат дека целото детство го поминале со родители кои ги третирале на погрешен начин, додека на порана возраст мислеле дека тоа е сосема нормално.
Исто така, тие тврдат дека оние луѓе кои пораснале со токсични родители немаат сеќавања за овие нешта од детството:
Чувство на безбедност во домот
Една од работите на кои луѓето кои пораснале во токсична средина не се сеќаваат е растењето во безбеден дом. Психолозите објаснуваат дека голема е веројатноста овие луѓе секогаш да чувствувале одредена напнатост кога биле дома или кога требало да си одат дома, а чувството на непријатност било уште поголемо доколку таму биле и нивните родители.
Право на приватност
Токсичните родители не им дозволуваат на своите деца да имаат каква било приватност и честопати имаат тенденција да ги проверуваат, да ги допираат нивните работи, да читаат пораки и слично. Дополнително, психолозите објаснуваат дека токсични родители се луѓе кои не дозволуваат нивните деца да бидат независни и имаат право на својата приватност.
Сеќавање дека нашите родители некогаш ни се извиниле
Токсичните родители речиси никогаш нема да му се извинат на своето дете затоа што веруваат дека секогаш се во право. Психолозите предупредуваат дека таквите родители никогаш нема да преземат одговорност за своите грешки, дури и кога се многу добро свесни дека токму тие постапиле погрешно.