Европското првенство влезе во самата завршница.
Данска во четвртфиналето вчера во Баку ја победи Чешка со 2:1 и во полуфиналето ќе игра против Англија која ја прегази Украина со 4:0.
Ден претходно, Италија и Шпанија стигнаа до полуфиналето. Екипата на Манчини во одличен натпревар ја победи Белгија со 2:1, додека Шпанија дури на пенали ја победи Швајцарија. По 120 минути беше 1:1.
И полуфиналето и финалето ќе се играат на Вембли, што ќе им оди во корист на Англичаните кои сега се апсолутни фаворити кај обложувалниците. Коефициентот за тимот на Саутгејт е 2,50, за Италија 3,30, за Шпанија 4, а за Данска огромни 12.
Англија нема примено гол на целиот турнир и ќе ја има поддршката од околу 60.000 домашни навивачи на националниот стадион.
Распоред на остатокот од турнирот:
Полуфинале (Вембли):
Италија - Шпанија, вторник, 21 часот
Англија - Данска, среда, 21 часот
Финале (Вембли):
Недела, 11 јули, 21 часот.