Хранливите материи како што се витаминот Ц и витаминот Д често се наведуваат како основни хранливи материи за здравје и долговечност.
Меѓу другите клучни здравствени придобивки, овие витамини се неопходни за имунолошката функција. Но, што е со другите важни хранливи материи, како витаминот Е? Можеби нема да привлече толку внимание како другите витамини, но овој витамин богат со антиоксиданси е исто толку клучен за вашето здравје.
Функционира како антиоксидант или корисен молекул кој се бори против слободните радикали. Важен е за одржување на општото здравје на организмот.
Телото не може да произведе сопствен витамин Е, па мора да го внесеме преку храната.
Се содржи во бројни намирници, па не е тешко да ја достигнете препорачаната количина од 15 милиграми дневно.
Витаминот Е е хранлива материја растворлива во масти, што значи дека му се потребни масти за да се апсорбира. Главно функционира како антиоксиданс или корисна молекула која се бори против слободните радикали.
Ова се здрави извори на витамин Е:
Бадемите се еден од најдобрите извори на витамин Е, а потоа лешниците, вели Маја Фелер, регистриран диететичар, нутриционист и автор на книгата Eating from Our Roots: 80+ Healthy Home-Cooked Favorites from Cultures Around the World.
„Една шака бадеми содржи околу 7 милиграми витамин Е, додека истото количество лешници содржи околу 4 милиграми. Овие јаткасти плодови се исто така одлични извори на здрави влакна и незаситени масти здрави за срцето“, вели Фелер.
Следниот пат кога ќе посакате нешто крцкаво, посегнете по семето од растенија. Семките од сончоглед се особено богати со витамин Е. Тие исто така содржат многу други хранливи материи како што се железо, калциум, магнезиум и растителни влакна. Семките од сончоглед (и општо семките од растенија) додаваат вкус и текстура на јадењата како овесна каша, јогурт, салата и супа.
Бидејќи семките и јаткастите плодови содржат витамин Е, не е изненадување што нивните масла се исто толку вредни за внимание. Сончогледовото масло и маслото од пченични никулци се особено богати со хранливи материи, иако имаат различни намени. Сончогледовото масло е стабилно масло, па може да се користи за готвење на висока температура. Од друга страна, маслото од пченични никулци има помала точка на горење, па затоа треба да се користи во преливи за салати или да се додаде во свежо подготвени јадења.
Има многу причини зошто треба да го сакате зелениот лиснат зеленчук. Вкусен е и преполн со витамин Е. Некои од најдобрите опции вклучуваат спанаќ и блитва. Дури и лиснатите врвови на репата го содржат овој витамин. Обидете се да ги додадете во супи или чорби веднаш на крајот од готвењето.
Како овошје со голема енергетска вредност, авокадото спаѓа во категоријата суперхрана, како плод богат со здрави масти и протеини. Хранливоста на авокадото се докажува и со присутноста на витамините и минералите кои се основни состојки во балансираната и здрава исхрана. Со 100 грама авокадо можете да ја задоволите препорачаната доза на дневна количина на многу витамини и минерали - витамин К: 26 %, фолна киселина: 20 %, витамин Ц: 17 %, калиум: 14 %, витамин Б5: 14 %, витамин Б6: 13 % и витамин Е: 10 %.
