Новоизбраниот американски претседател Доналд Трамп е одбран за личност на годината, во новата анкета на познатиот магазин „Time“.
За Трамп прогласувањето е многу голема чест.
„Тоа е голема, голема, многу голема чест“, рекол Трамп откако дознал за изборот.
Во најтесна конкуренција бил и рускиот претседател, Владимир Путин.
Секоја година Time традиционално ја избира „Личноста на годината“. Во првите денови на гласањето годинава основачот на „WikiLeaks“, Џулијан Асанж водел со три проценти пред новоизбраниот претседател на САД – Доналд Трамп.
Уредниците на магазинот објавија и листа на познатите личности кои биле во потесниот избор. Меѓу нив се Хилари Клинтон, турскиот претседател Реџеп Таип Ердоган, индискиот премиер Нарендра Моди, основачот на „Facebook“ - Марк Закерберг, пејачката Бијонсе и други.
Минатата година личност на годината беше германската канцеларка Ангела Меркел.