На секој од нас му се случуваат стресни работи, но најважно е да пронајдете решение за проблемите.
За да научите како да се носите со ваквите работи, добро е секогаш на ум да имате три мисли кои можат да ви помогнат поинаку да гледате на работите. Во животот сѐ се менува, а способноста да се адаптирате на надворешните промени е најважна за опстанок. Дури и кога животот не носи најубави вести мора да бидете стабилни и свои.
Наместо дополнително да се мачите, преиспитувате, обвинувате, обидете да го изолирате искуството од некоја негативна ситуација, освестете се дека сега се случува нешто негативно, а потоа тоа постепено ослободете го. Нема да се случи преку ноќ, но со постојана работа на себе ќе се ослободите и излекувате постепено. Ова е лек, а самокритиката може да биде отров.
Секако дека треба да го надминете тоа што ви се случило. Во природата на човекот е некогаш да се чувствува тажно, незадоволно, луто и тоа треба да го освести. Сепак, не треба да се „удавите“ во ваквите чувства и останете заробени во нив. Постепено менувајте ги емоционалните обрасци, минете низ тагата, но одлучете таа да не биде ваш начин на живот. Наместо сета енергија да ја посветите на непријатни чувства, насочете ја на среќа, на убави работи, на работи за кои сте благодарни во животот.
Неочекуваните промени во животот можат да нѐ вознемират. Кога ќе нѐ погодат животни бури, тешко е да си ја вратиме стабилноста. Ако се најдете во ваква положба, потсетете се дека ова е само една од станиците на вашето патување.
Само вие може да влијаете на тоа каков ќе ви биде животот и каква иднина ќе имате. По некое време, можеби ќе забележите дека оваа бура и не е толку страшна како што изгледала на почетокот.