Полски УФЦ шампион јавно го повика фудбалерот на Вест Хем да проба него да го удри, откако целиот свет го виде видеото на кое тој ја шутира својата мачка.
Јан Блахович беше светски УФЦ шампион во полутешка категорија од 2020 до 2021 година. Синоќа преку Twitter му упати порака на Курт Зума поради неговото малтретирање на сопствената бенгалска мачка.
„Ако си толку силен, мајкое**ачу, Курт Зума, пробај мене да ме шутнеш. Какво гомно. Нема толеранција за суровост кон животните“, напиша Блахович.
Оваа реакција на Полјакот е откако на социјалните мрежи се рашири видео на кое се гледа како Французинот брутално ја малтретира сопствената мачка. На видеото се гледа како Зума ја фрла мачката на подот, а потоа ја клоца со сета сила, подоцна фрла кон неа со чевли, ја брка низ станот и на крајот силно ја шутира со рака додека држи дете во раце. Видеото го снима друго лице кое гласно се смее.
Видеото прво беше објавено од The Sun, по што се рашири насекаде. Вест Хем, клубот каде минатото лето Зума пристигна од Челси, најостро го осуди ваквото однесување на својот играч.
Потоа следуваше и извинување од самиот играч кој изјави дека нема објаснување зошто така се однесувал и дека искрено жали.
Не е познато со какви повреди се здобило животното. Вест Хем најави дека Зума ќе биде интерно казнет.
Останува да видиме дали Зума ќе го прифати предизвикот на Блахович, во што чисто се сомневаме.
