Лошо вести од Пекинг. На денешниот тренинг скијачот Дардан Дехари претрпе тешка повреда на коленото по што неговиот настап на Зимските олимписки игри предвреме заврши.
Македонскиот олимписки комитет јавува дека додека тренирал за своето прво учество на Игрите Дехари незгодно паднал при што тешко го повредил десното колено.
„По првите консултации меѓу докторот Лубомир Огњеновиќ, кој е во Пекинг, кинеските доктори и претседателот на Здравствената комисија на МОК, д-р Небојша Настов, станува збор за кинење на предниот вкрстен лигамент на десното колено и Дардан Дехари итно ќе биде опериран“, соопшти МОК.
Дехари беше знаменосец на церемонијата на веченото отворање на Игрите и требаше да настапи на трките во слалом и велеслалом кои се на програмата на 13-ти и 16-ти месецов.
Со ваквиот развој на настапите Македонија останува со двајца олимпијци на Игрите во Пекинг. За потсетување, денеска Ставре Јада немаше добар пласман откако заврши на 86. место од вкупно 88 пласирани натпреварувачи.
Следуваат настапите на Ана Цветановска на 10-ти во крос канстри 10 km класично и вториот настап на Јада на 19-ти на 50 km слободно, исто така во крос кантри.
